今日返工心情唔多好.....
可能因為我執著,因為我硬頸,今次呢件事我真係企得好硬,但係我想講就係因為我一開始重視,我而家呢一刻我先咁執著....我無諗過而家都仲可以咁無聊去為左一d好少好少既事而嬲....呢樣係令我覺得好失望架,我同我既朋友仔真係從未試過為呢d野而嬲架,更何況今次真係唔關我事,點解可以好似個小朋友咁因為某個人激嬲左你,而你嬲埋佢身邊同佢接觸既人.........
如果做朋友做到咁,真係好無意思呀,我真係好簡單架咋,我真係可以對朋友咩都冇所謂,但係真係要大家都拎個心出黎囉,唔係因為咁少既野而嬲囉.......一開始我真係可以冇所謂,比你地黑面,比你地嬲,因為我真係覺得如果比你地嬲,比你地黑面,而可以令到你地關係有好轉的話,我唔介意呀,但係到今日都仲係咁既時候,我真係唔會再作出讓步,因為你地已經超越左我既低線喇.......
如果今次係我既問題,我既錯,我唔介意作多几步既讓步呀,但係今次真係唔係我問題呀....
呢個問題真係從來都未試過發生0係我既真朋友身上架,因為大家都真係知道點樣去對待大家......
原來你用心,冇所謂,咩都唔會嬲咁去對待人,唔係個個都會一樣咁對你架......0係中學果時有個同學比其他人話佢唔好,但係我都依然冇所謂咁對佢,0係英國又比一個同學咁對自己,到而家返工,大家出黎做野,以為大家都大個啦,原來又係一樣.....
不過雖然係咁,但係奕都係因為咁我真係知道邊d對我好,邊d錫我.......從小到大冇人會蝦我,冇人會對我唔好,原因就係因為我有你地呢一班真心對待既朋友,就係因為大家都唔會因為少事而傷害大家......

呢排返工返得好唔開心,好想搵人傾,但係唔知邊個會明呢.......
日日返工個心情都好似好差咁,唔想同人講野,好想自己收埋自己一陣呀!!!
終於真係有一刻想即刻轉工呀.....總之一0係公司就好想收埋自己啦....呢種感覺只會0係英國先會出現架,估唔到0係香港都出現返呢種感覺,好驚呀真係.......
仲有呀,我居然見返''佢'',一個令我諗返好多唔開心既野既人呀,佢又出現返喇,唯一既惡夢呀....真係更加心情差呀!!!

有人買左樣原來好貴好貴既野諗住送比我,但係我真係唔想要呀,因為我要既根本就唔係呢d野.....我要既係果3個條件......其實都唔係好難之嘛,至於係咩??哈哈,kitman先會知架!!!!

好耐都唔得閒寫野lu已經.......
今日18號,細佬生日,佢已經18歲喇,希望佢會生生性性,呢個係我最想見到,最想聽到既一件事,佢後日走喇,佢今次過去,可能成年都唔返,可能几年之後先返,我會好掛住佢,因為今次佢返黎,我同佢既關係明顯唔同左,好左好多.........佢下次返黎既時候,我希望所有所有既野都已經攪掂好!!!

之前去左個短旅行,返工返到個人好累呀真係.....好想有一個好長既假期比我好好咁休息下呀....呢個几星期唔知點解條氣同個心又開始痛喇,可能唔夠訓啦.....身體真係差左好多好多.....0係呢一刻唔知點解好掛住我d朋友仔,特別係我最好兩個朋友仔---阿餅同阿盈..好掛住你地兩個tim哈哈....

泰國之旅......
<第一日酒店外面影既>
 
<去左食士多,超正>

<呢間d海鮮好新鮮,好正>

<big c上面既魚蛋粉,正>

學友演唱會,十個好睇呀.......好正呀真係,佢唱既歌真係好聽架,好想再睇多次呀
我下次要同學友握手.....係一定要啦,今次冇,因為我個位唔係握手位,不過我個位係睇得正架.....
我睇果場學友都有少少病架喇,不過好彩.........希望學友快d好返啦.....

1號,同我兩個同事去左睇黎明.......一個字'悶',係悶到爆呀,差d訓著呀.....
好在唔使錢,如果唔係我一定唔會去架.......